近期 Inside Out 2 電影大熱，我記得嗰晚坐喺戲院睇優先場，阿焦 (Anxiety) 嗰種腦中想像不同情境，同埋左轉右轉停唔到落嚟既幾個畫面，好觸動到我。現代人，包括我，都好容易因為掛心同計劃未來，而唔記得咗現在。亦因為太顧慮未來，想好好計劃好先踏出第一步，而永遠遲遲都踏出唔到嗰一步，停咗喺原地。
.
睇完 Inside Out 2 後某一日，經過屋企附近某個店舖，突然見到門口貼咗呢張 mental note –
❤️ Take the risk
❤️ Don’t let the unknown stop you from progressing
.
係喎，想要進步就少不了冒險，就如同勇敢並唔係乜都唔驚，而係要驚之中都繼續向前行。
.
Inside Out 2 俾我既啟示係：要平息焦慮，唯有懂得放手。而呢張 mental note 更進一步提醒我：要進行既話，就帶著焦慮踏出第一步吧﹗
.
你又有沒有一啲唔敢踏出第一步既事？又因為啲咩原因呢？歡迎你留言同我分享一下。
